հատուկ ներկայացուցիչը հայաստանում Եվրոպայի խորհրդի Գլխավոր քարտուղարի հատուկ ներկայացուցիչը Հայաստանում 2002թ. Եվրոպայի խորհրդի գլխավոր քարտուղարն իր հատուկ ներկայացուցչին (ԳՔՀՆ) նշանակեց Հայաստանում։ Հատուկ ներկայացուցչի գրասենյակն ու Հայաստանում ԵԽ Տեղեկատվական գրասենյակը տեղակայված են միևնույն տարածքում։
2008թ. սեպտեմբերին ԵԽ Գլխավոր քարտուղար Թերրի Դեյվիսի կողմից Հայաստանում Հատուկ ներկայացուցիչ նշանակվեց Սիլվիա Զեհեն։ Գլխավոր քարտուղարի հատուկ ներկայացուցիչն իրականացնում է հետևյալ գործառույթները՝ - պետական իշխանությունների, միջազգային կազմակերպությունների և քաղաքացիական հասարակության առջև ներկայացնում է Եվրոպայի խորհրդի գլխավոր քարտուղարին,
- կանոնավոր հաշվետվություններ է տրամադրում գլխավոր քարտուղարին Հայաստանում քաղաքական զարգացումների վերաբերյալ,
- օգնում է Եվրոպայի խորհրդին սահմանել Հայաստանի հետ ապագա գործողությունների և համագործակցության ծրագրերի գերակայությունները,
- միջազգային կազակերպությունների, հաստատությունների և Հայաստանում այլ գործընկերների հետ համակարգում է Եվրոպայի խորհրդի գործունեությունը,
- տեղեկատվական գրասենյակի հետ սերտ համագործակցությամբ բարձրացնում է Եվրոպայի խորհրդի, նրա սկզբունքների, չափանիշների, գործունեության և ծրագրերի վերաբերյալ իրազեկությունը։
Հայաստանում Եվրոպայի խորհրդի իրականացրած համագործակցային ծրագրեր Եվրոպայի խորհուրդը Հայաստանի իշխանությունների և քաղաքացիական հասարակության հետ համագործակցությամբ իրականացնում է ծրագրեր, որոնք մշակված են տեղական գործառույթները և օրենսդրությունը Եվրոպական չափանիշներին համապատասխանեցնելու նպատակով։ Կազմակերպությունը փորձագիտական խորհրդատվություն է տրամադրում օրենսդրության նախագծերի վերաբերյալ, անց է կացնում սեմինարներ մասնագետների համար՝ նվիրված Մարդու իրավունքների պաշտպանության եվրոպական կոնվենցիային և Եվրոպայի խորհրդի չափանիշներին: Եվրոպայի խորհուրդը նաև նպաստում է Հայաստանի հասարակական կազմակերպությունների կարողականության ստեղծմանը; Լրացուցիչ տեղեկություններ` Սիլվիա Զեհե Հայաստանում ԵԽ ԳՔՀՆ Նազիկ Համբարյան ԳՔՀՆ օգնական Հեռ.՝ +374 10 54 63 22 / 26 / 28 / 29 Ֆաքս՝ + 374 10 54 63 19 Էլ-փոստ՝ coe.yerevan@coe.int Հասցե՝ Էրեբունի Պլազա Բիզնես կենտրոն (Վազգեն Սարգսյան 26/1, 6-րդ հարկ), Հայաստան, 0001 Երևան
Նախկին ԳՔՀՆ-ները Հայաստանում
|