Հանուն ժողովրդավարության ԵԽ Ֆորում. Եվրոպայի խորհուրդը դիմումներ է ընդունում Երևանում 2010թ. հոկտեմբերի 19-ին և 20-ին կայանալիք՝ Եվրոպական ժողովրդավարությունը 21-րդ դարում. Սկզբունքներ և մարտահրավերներ ֆորումին մասնակցելու համար Դիմումների ընդունման ժամկետն է 2010թ. հունիսի 18-ը։ Application form | Background note
2002թ. դեկտեմբերին, Եվրոպայի խորհրդի տեղեկատվական գրասենյակների կարգավիճակի մասին Եվրոպայի խորհրդի Նախարարների կոմիտեի (99) 9 որոշման հիման վրա, Հայաստանի Երևան քաղաքում հիմնվեց Եվրոպայի խորհրդի տեղեկատվական գրասենյակը: Նախարարների Կոմիտեն վերոհիշյալ որոշումն ընդունել էր 1999թ. հուլիսի 28-ին` Փոխնախարարների 677 հանդիպման ընթացքում:
2003թ. հուլիսի 8-ին Հայաստանի Հանրապետության արտաքին գործերի նախարար պրն. Վարդան Օսկանյանը և Եվրոպայի խորհրդում Իտալիայի դեսպան Պիետրո Էրկոլե Ագոն տեղեկատվական գրասենյակը պաշտոնապես բացված հայտարարեցին:
Առաքելությունը
Տեղեկատվական գրասենյակի նպատակն է անհատներին, ոչ կառավարական կազմակերպություններին և քաղաքական հաստատություններին իրազեկել Եվրոպայի խորհրդի ծավալած գործունեության մասին և ներկայացնել այն արժեքները, որոնք Կազմակերպության հիմքնաքարն են:
Գործունեությունը
Եվրոպայի խորհրդին վերաբերող նյութերի և փաստաթղթերի թարգմանություն, հրատարակում և տարածում հայերեն լեզվով` հայ հասարակությանը այդ նյութերին մայրենի լեզվով լիարժեք ծանոթանալու լայն հնարավորություն ընձեռելու նպատակով,
Հայաստանում Եվրոպայի խորհրդի միջոցառումների` սեմինարների գիտաժողովների, հանդիպումների և այլնի կազմակերպում,
Երկլեզու (անգլերեն-հայերեն) Լրատուի հրատարակում, որը ԵԽ տարբեր մարմինների, համապատասխան պետական հաստատությունների, միջազգային և տեղական հասարակական կազմակերպությունների ներկայացուցիչներին հնարավորություն է ընձեռում տարբեր տեսակետներ և կարծիքներ փոխանակել Հայաստանում ԵԽ ներկայության և գործունեության վերաբերյալ,
Եվրոպայի խորհրդի տերմինների և հասկացությունների անգլերեն-հայերեն բացատրական բառարանի ստեղծում, որը հիմք կհանդիսանա փաստաթղթերի և այլ նյութերի հայերեն լեզվով թարգմանության միասնական համակարգի հաստատման նպատակով, ինչը օգտակար գործիք կծառայի տարբեր բնագավառներում աշխատող մասնագետների և տարբեր կրթական հաստատությունների և հայ ուսանողության համար,
զանգվածային լրատվամիջոցների հետ համագործակցություն` Եվրոպայի խորհրդին վերաբերող տեղեկատվությունը լայն հասարակության շրջանակներում արժանահավատ և ճշգրիտ տարածելու նպատակով,
Եվրոպայի խորհրդի համատեքստում անցկացվող տարբեր միջոցառումներին և գործընթացներին ակտիվ մասնակցություն,
Մարդու իրավունքների, ժողովրդավարության և օրենքի գերակայության խթանման բնագավառներում Հայաստանում ակտիվ միջազգային և տեղական կազմակերպությունների հետ համագործակցություն:
Ծառայությունները
բազմաբնույթ և բազմահատոր գրադարան, որտեղ անհատները, ոչ կառավարական կազմակերպությունները և այլ քաղաքական հաստատություններ ու շահագրգիռ անձինք կարող են գտնել բազմազան մասնագիտական փաստաթղթեր և Եվրոպայի խորհրդի այլ հրատարակություններ,
համագործակցություն համապատասխան կազմակերպությունների հետ` Հայաստանի մարզերում իրազեկության բարձր մակարդակ ապահովելու նկատառումով,
Եվրոպայի խորհրդի տարբեր հաստատությունների, դրանց կառուցվածքի, նպատակների և գործունեության մասին տեղեկատվության տրամադրում,
այցելուների համար նախատեսված հատուկ համակարգիչ` Եվրոպայի խորհրդի ինտերնետային էջերից օգտվելու և Եվրոպայի խորհրդի մասին անհրաժեշտ և ընթացիկ տեղեկատվություն գտնելու հնարավորությամբ,
Մարդու իրավունքների եվրոպական դատարանի հնարավոր դիմորդներին դատարան դիմելու ձևերի և բացատրական ուղեցույցների, ինչպես նաև Եվրոպական դատարան դիմելու համար անհրաժեշտ հիմնական ընթացակարգային տեղեկատվության տրամադրում:
Տեղեկությունների համար դիմել`
Սյուզան Մարուխյան ԵԽՏԳ տնօրեն
Վահագն Մուրադյան ԵԽՏԳ քաղաքական և տեղեկատվական հարցերի պատասխանատու
Հեռ.՝ +374 10 54 63 22 / 26 / 28 / 29 Ֆաքս՝ + 374 10 54 63 19 Էլ-փոստ՝ coe.yerevan@coe.int Հասցե՝ Էրեբունի Պլազա Բիզնես կենտրոն (Վազգեն Սարգսյան 26/1, 6-րդ հարկ), Հայաստան, 0001 Երևան
