ստորակետով:
Նախարարների կոմիտե : Խորհրդարանական վեհաժողով : Մարդու իրավունքների եվրոպական դատարան : Տեղական և տարածքային իշխանությունների կոնգրես : Գլխավոր քարտուղարություն
Նախարարների կոմիտե
Նախարարների կոմիտեն Եվրոպայի խորհրդի որոշում կայացնող մարմինն է, որի կազմում ներկայացված են բոլոր անդամ պետությունների արտաքին գործերի նախարարները կամ Ստրասբուրգում նրանց մշտական դիվանագիտական ներկայացուցիչները: Սա և՛ կառավարական մարմին է, որի շրջանակներում իրավահավասար հիմունքներով քննարկվում են եվրոպական հասարակության առջև ծառացած խնդիրների լուծման ազգային մոտեցումները, և՛ կոլեկտիվ համահավաք, որտեղ ձևավորվում են վերոնշյալ խնդիրների համընդհանուր եվրոպական լուծումները: Խորհրդարանական վեհաժողովի հետ միասին Նախարարների կոմիտեն պաշտպանում է Խորհրդի հիմնարար արժեքները և վերահսկում է անդամ պետությունների ստանձնած պարտավորությունների կատարումը։
Կազմը
Նախարարների կոմիտեն կազմված է ԵԽ անդամ պետությունների արտաքին գործերի նախարարներից: Նախարարները տարվա մեջ երկու անգամ (մայիսին և նոյեմբերին) հանդիպում են եվրոպական համագործակցության և քաղաքական հարցերի վերանայման նպատակով: Յուրաքանչյուր անդամ պետություն նշանակում է Մշտական ներկայացուցիչ՝ սովորաբար դեսպանի կամ գործերի հավատարմատարի աստիճան ունեցող դիվանագետ: Մշտական ներկայացուցիչը բնակվում է Ստրասբուրգում և մշտական կապ ունի Կազմակերպության հետ:
Յուրաքանչյուր նախարար կարող է նշանակել տեղակալ, որն ունի որոշում կայացնելու՝ նախարարին հավասարազոր իրավասություններ: Տեղակալները, ովքեր սովորաբար անդամ պետությունների Մշտական ներկայացուցիչներն են նաև, իրենց շաբաթական հանդիպումներում իրականացնում են Կոմիտեի ամենօրյա գործունեությունը: Նրանք նախաձեռնում են մարդու իրավունքների և պարտավորությունների վերահսկման առանձին հանդիպումներ։
Դերը
Նախարարների կոմիտեն գործում է որպես`
- կառավարությունների մի համագումար, որը նրանց հնարավորություն է ընձեռում իրավահավասար հիմունքներով քննարկել եվրոպական հասարակության առջև ծառացած խնդիրների ազգային մոտեցումները.
- կոլեկտիվ համահավաք, որտեղ ձևավորվում են վերոնշյալ խնդիրների համընդհանուր եվրոպական լուծումները.
- Եվրոպայի խորհրդի գոյության հիմք հանդիսացող արժեքների պահապան՝ Խորհրդարանական վեհաժողովի հետ միասին։
Գործունեությունը
Նախարարների կոմիտեն ծավալում է հետևյալ գործունեությունը`
- քաղաքական երկխոսություն,
- Խորհրդարանական վեհաժողովի հետ համագործակցություն,
- Եվրոպայում տեղական և տարածքային իշխանությունների կոնգրեսի հետ համագործակցություն,
- նոր անդամ պետությունների ընդգրկում,
- անդամ պետությունների պարտավորությունների կատարման վերահսկում,
- կոնվենցիաների և համաձայնագրերի կնքում,
- անդամ պետությունների համար առաջարկությունների ընդունում,
- բյուջեի ընդունում,
- գործողությունների ծրագրի ընդունում և վերահսկում,
- համագործակցության և օժանդակության ծրագրերի իրականացում,
- Մարդու իրավունքների եվրոպական դատարանի վճիռների կատարման վերահսկում:
Կրկնօրինակման իրավունքը © 2004-2013 Եվրոպայի Խորհրդի գրասենյակ Երևանում
Կարդացեք բացատրագիրը և ծանոթացեք կրկնօրինակման պայմաններին